ஆருத்ரா தரிசனம் 2026 – கடலூர் மாவட்டத்திற்கு ஜனவரி 3ம் தேதி உள்ளூர் விடுமுறை அறிவிப்பு
ஆருத்ரா தரிசனம் முன்னிட்டு கடலூர் மாவட்டத்திற்கு வரும் ஜனவரி 3 ஆம் தேதி உள்ளூர் விடுமுறை அறிவிக்கப்பட்டுள்ளது.
கடலூர் மாவட்டம் சிதம்பரத்தில் உலக புகழ்பெற்ற நடராஜர் கோயில் அமைந்துள்ளது. இந்த கோயிலில் மார்கழி மாதத்தில் நடைபெறும் ஆருத்ரா தரிசனம் மற்றும் ஆனி மாதத்தில் நடைபெறும் ஆனி திருமஞ்சனம் ஆகிய இரு பெரும் தரிசன விழாக்கள் மிகவும் சிறப்பாக கொண்டாடப்படுகின்றன.
இந்த ஆண்டிற்கான ஆருத்ரா தரிசன விழா இன்று காலை கொடியேற்றத்துடன் துவங்கியுள்ளது. தொடர்ந்து அடுத்தடுத்த நாட்களில் சுவாமி வீதி உலா நிகழ்வுகள் மற்றும் சிறப்பு பூஜைகள் நடைபெற உள்ளன.
இந்த விழாவின் முக்கிய நிகழ்வான ஆருத்ரா தரிசனம், வரும் ஜனவரி 3 ஆம் தேதி மாலை 3 மணிக்கு மேல் நடைபெற உள்ளது.
🏫 உள்ளூர் விடுமுறை விபரம்
இதனை முன்னிட்டு கடலூர் மாவட்டத்திற்கு ஜனவரி 3 ஆம் தேதி உள்ளூர் விடுமுறை அறிவிக்கப்பட்டுள்ளது. இந்த விடுமுறை,
- தமிழக அரசின் கட்டுப்பாட்டில் உள்ள அனைத்து அரசு அலுவலகங்கள்
- அனைத்து அரசு மற்றும் அரசு உதவி பெறும் கல்வி நிறுவனங்கள்
ஆகியவற்றுக்கு பொருந்தும்.
அனைத்து துணை கருவூலங்கள் மற்றும் மாவட்ட கருவூலம் குறைந்த எண்ணிக்கையிலான பணியாளர்களைக் கொண்டு வழக்கம்போல் இயங்கும்.
📌 ஈடு செய்யும் பணி நாள்
இந்த விடுமுறையை ஈடு செய்யும் வகையில், சனிக்கிழமை – பிப்ரவரி 14 அன்று பணி நாளாக இருக்கும் என்று அறிவிக்கப்பட்டுள்ளது.
For more education & latest government updates visit : Kalvi Arts
0 Comments:
Post a Comment