தமிழகத்தில் 1-8ம் வகுப்புகளுக்கு பள்ளிகள் திறப்பில் முக்கிய திருப்பம் – அக்.21 இல் கருத்துகேட்பு!

1-8ம் வகுப்பு வரை பள்ளிகளை திறப்பது தமிழக அரசு ஆசிரியர் சங்கங்களின் கருத்தை கேட்டறியவுள்ளது. இந்த கருத்து கேட்பு கூட்டத்தில் பள்ளிக்கல்வித்துறை அதிகாரிகள் பங்கேற்கவுள்ளனர்.

பள்ளிகள் திறப்பு :

தமிழகத்தில் கொரோனா வைரஸ் தொற்று காரணமாக ஒரு வருடங்களுக்கும் மேலாக பள்ளிகள் திறக்கப்படாமல் இருந்த நிலையில் அரசு நோய் தடுப்பு பணிகளை மேற்கொண்டு தொற்றை கட்டுப்படுத்தி உள்ளதால் நீண்ட நாட்களுக்கு பிறகு முதல் கட்டமாக 9 – 12 வரையிலான வகுப்பு மாணவர்களுக்கு பள்ளிகள் திறக்கப்பட்டு நோய் தடுப்பு வழிகாட்டு நெறிமுறை களுடன் சுழற்சி முறையில் நேரடி வகுப்புகள் நடைபெற்று வருகிறது. இந்த நிலையில் அடுத்த கட்டமாக 1 – 8 வரையிலான மாணவர்களுக்கு பள்ளிகள் திறக்க கோரிக்கை எழுந்துள்ளது.

இது குறித்து பள்ளி கல்வித்துறை ஆலோசனை நடத்தி முதல்வரின் கவனத்திற்கு கொண்டு செல்லப்பட்டது. மாவட்ட கல்வி அதிகாரிகளிடம் பள்ளிகள் திறப்பு குறித்து கருத்துக்கள் பெறப்பட்டு முதல்வரிடம் அறிக்கை சமர்ப்பிக்கப்பட்டது. தற்போது நவம்பர் 1 முதல் தொடக்க மற்றும் நடுநிலை பள்ளிகள் திறக்கப்படும் என்று அறிவிக்கப்பட்டுள்ளது. இந்த அறிவிப்பை அடுத்து பள்ளிகள் திறப்பதற்கான முன்னேற்பாடு பணிகள் தீவிரமாக நடைபெற்று வருகிறது.

இந்த நிலையில் 1 முதல் 8 ம் வகுப்பு வரை உள்ள மாணவர்களுக்கு பள்ளிகளை திறப்பது குறித்து தமிழக அரசு ஆசிரியர் சங்கங்களின் கருத்துகளை கேட்டறியவுள்ளது. அதனால் ஆசிரியர் சங்க பிரதிநிதிகளுடன் பள்ளிக்கல்வித்துறை அமைச்சர் அன்பில் மகேஷ் அக்டோபர் 21 ம் தேதி ஆலோசனை நடத்தவுள்ளார் . இக்கூட்டமானது சென்னை டிஜிபி வளாகத்தில் நடைபெறும் இதில் பள்ளிக்கல்வித்துறை அதிகாரிகள் பங்கேற்கவுள்ளனர்.