12th Practical Exam Date 2021

மாணவர்களின் நலனைக் கருத்தில் கொண்டு, இந்த கல்வியாண்டில், 10 மற்றும் 11ம் வகுப்பு பொது தேர்வுகள் ரத்து செய்யப்பட்டதாக தமிழக அரசு அறிவித்திருந்தது. +2 மாணவர்கள் மட்டும் பொதுத் தேர்வை எழுத வேண்டியிருந்தது. இந்நிலையில், +2 மாணவர்களுக்கு செய்முறை தேர்வுகள் எப்போது நடைபெறும் என்று தெரியாமல், பெற்றோர்களும், ஆசிரியர்களும் இருந்தனர்.

இந்நிலையில், +2 மாணவர்களுக்கு, தமிழக சட்டமன்ற தேர்தலுக்குப் பின்னர் செய்முறை தேர்வை நடத்த பள்ளி கல்வித் துறை முடிவு செய்துள்ளது. அதுவரை நடப்பாண்டு பாடங்களை நடத்தி முடிக்க அறிவுறுத்தப்பட்டுள்ளது.

தமிழக பள்ளிக் கல்வி பாடத் திட்டத்தில், ப்ளஸ் 2 மாணவர்களுக்கு மட்டும் இந்த ஆண்டு பொதுத் தேர்வு நடத்தப்படுகிறது. இந்த தேர்வு மே மாதம் 3ம் தேதி துவங்கி, மே 21ம் தேதி வரையில் நடைபெற இருக்கிறது. இதனால் ப்ளஸ் 2 மாணவர்களுக்கு பொதுத் தேர்வு நடத்தவும், அவர்களுக்கான பாடங்களை உரிய காலத்தில் நடத்தி முடிக்கவும், போதிய கால அவகாசம் கிடைத்துள்ளதாக ஆசிரியர்கள் தெரிவித்தனர்.